Da lenn

'Vel laret gant an titl, kinniget vezo amañ an danvez dedennus da vezañ lennet.

Da gentañ holl e lakfen an Hagakure pe levr ar re Samourai, dibarr evit kompren spered bro Japan hag e annezidi.
Da eil levrioù ar skrivagner Yukio Mishima, lennet em eus nebeut gantañ met bewech ez eo bet ur wir blijadur.
Da drede e lakfen ar gazetenn animes land, hini an hañv-mañ dreist-holl hag a vez kaoz gantañ a-zivout an tresadenoù-bev Japanaat dindan stumm dosieroù arouezius evit kompren gwelloc'h al luskad japanimation.

Be oa un distaol dreist e Banzai games war ar mangaoù: 3 euro an tamm! ( e plas 8 pe 9 boaz). Prenet m'eus neuze (c'hoazh) Love Hina ar 5 kentañ. Ouzhpenn-se Mahoromatic an heulienn a-bez (dastumadenn gant ar manga kentañ d'eus an heulienn ennañ).

dreist eo love hina!!!!!

Ar gwir ganit paotr!

Da lenn ivez 'vit ar re dedennet gant kompren spered bro Japan: levr Musashi "levrenn ar pemp rodoù". Da lenn ivez levr Sun Tzu war "Arz ar Brezel". Krog on ganto ha plijus mat ez eo da vont gant al lennadenn.

Kenderc'hel a ran gant ma zammig droiad war douaroù Mishima, brav esplann, kinnig a ran d'ar brashañ niver da lenn d'eus outañ ne vezo ket ur c'holl amzer!

Aliañ a ran da lenn an Hagakure ivez. E lennet em eus gant addisplegoù Mishima :introduction au Hagakure. Le Japon moderne et l' éthique samouraï. Daoust d' ar spered japonat a zo enno e c' hell bezañ lennet gant an holl... Dudius-kenañ e oa evidon da nebeutañ.

E gwirionez ne blij ket din kalz oberenn Mishima. Koulskoude e oan bet fromet o lenn un danevell skrivet gantañ : Brogarantez (Yukoku). Goude-se em eus gwelet ar film a oa bet savet gantañ.

Prenet em eus levr Musashi ivez (levrenn ar pemp rodoù) hag ul levr diwar e benn... n' em eus ket lennet anezho c'hoazh 'vat. Ret eo din lenn levr Mishima
an Heol hag an Dir ivez...

Levr Mishima, An heol hag an dir a zo digomprenus evidon me...Kaoz a vez d'eus a bep seurt mennozhioù pe fromoù gant ar skrivagner, met ne vez ket anat pal an displegadenn.
Plijet on memestra gant an danvez degaset gant Mishima, dreist holl an danevelloù. Sujedoù simpl, fromoù arouezius hag un doare skrivañ mestroniet betek penn.
Ouzhpenn da-se, ar skrivagner hag e vuhez na c'hellont bezañ komprenet nemet dre kompren ar sell degaset gant ar skridoù.

Da lenn, ur wech c'hoazh:

E niverenn diwezhañ Pobl Vreizh (546-547 gouere eost 09 p.34) e oa ur pennad diwar-benn ur Japanad en deus troet levr "Mojenn ar marv hervez ar Vrezhoned arvorigat" Anatol ar Bras e Japaneg. Makoto Kemmoku eo e anv, ha tamm pe damm da memes mare ez eus bet graet troidigezh memes levr gant un plac'h, an itron Gohira he deus kemeret perzh e lidoù Gouel Erwan e Tôkyô.
An div droidigezh a zo bet graet diwar ar galleg.
Trugarez da Gwenvred evit ar gemennadenn!